ਬੀ.ਐਨ. ਟੀ.ਤਪਾ, 25 ਫਰਵਰੀ 2021
ਡਿਪਟੀ ਕਮਿਸ਼ਨਰ ਬਰਨਾਲਾ ਸ਼੍ਰੀ ਤੇਜ ਪ੍ਰਤਾਪ ਸਿੰਘ ਫੂਲਕਾ ਦੀ ਰਹਿਨੁਮਾਈ ਹੇਠ ਜ਼ਿਲ੍ਹੇ ਬਰਨਾਲੇ ਨੂੰ ਸਾਫ਼-ਸੁਥਰਾ ਅਤੇ ਸੁੰਦਰੀ ਕਰਨ ਰੱਖਣ ਦੇ ਮੱਦੇਨਜ਼ਰ ਉਪ ਮੰਡਲ ਮੈਜਿਸਟ੍ਰੇਟ ਤਪਾ ਸ਼੍ਰੀ ਵਰਜੀਤ ਵਾਲੀਆ ਦੀ ਅਗਵਾਈ ਹੇਠ ਐਮ.ਆਰ.ਐਫ.ਸੈਂਟਰ ਤਪਾ ਵਿਖੇ ਸੁੰਦਰੀਕਰਨ ਕੀਤਾ ਗਿਆ।
ਇਸ ਸੈਂਟਰ ਦੇ ਸੁੰਦਰੀਕਰਨ ਸਬੰਧੀ ਜਾਣਕਾਰੀ ਦਿੰਦਿਆਂ ਸ਼੍ਰੀ ਬਾਲ ਕ੍ਰਿਸ਼ਨ ਗੋਗੀਆ ਕਾਰਜ ਸਾਧਕ ਅਫ਼ਸਰ, ਤਪਾ ਨੇ ਦੱਸਿਆ ਕਿ ਨਵੇਂ ਬੱਸ ਸਟੈਂਡ ਦੇ ਨਜ਼ਦੀਕ ਬਣੇ ਐਮ.ਆਰ.ਐਫ. ਸੈਂਟਰ ਜਿੱਥੇ ਸੁੱਕਾ ਕੂੜਾ, ਪਲਾਸਟਿਕ ਦੀਆਂ ਬੋਤਲਾਂ, ਪੇਪਰ, ਗੱਤਾ, ਕੰਚ, ਲੋਹੇ ਦਾ ਕਬਾੜ ਆਦਿ ਇਕੱਠਾ ਕੀਤਾ ਜਾਂਦਾ ਹੈ ਵਿਖੇ ਇੱਕ ਸਾਈਡ ਤੇ ਪਾਰਕ ਬਣਾਇਆ ਗਿਆ ਹੈ, ਜਿਸ ਨਾਲ ਇਸ ਸੈਂਟਰ ਦਾ ਸੁੰਦਰੀਕਰਨ ਹੋ ਸਕੇ। ਉਨ੍ਹਾਂ ਦੱਸਿਆ ਕਿ ਇਸ ਪਾਰਕ ਵਿਖੇ ਘਾਹ, ਸ਼ਾਨਦਾਰ ਬੂਟੇ ਆਦਿ ਲਗਾਏ ਗਏ ਹਨ । ਇਸ ਮੌਕੇ ਸੈਨੇਟਰੀ ਇੰਚਾਰਜ ਅਮਨਦੀਪ ਸ਼ਰਮਾ ਤੋਂ ਇਲਾਵਾ ਨਗਰ ਕੌਂਸਲ ਸਟਾਫ਼ ਹਾਜ਼ਰ ਸੀ।
