ਰਵੀ ਸੈਣ / ਰਾਹੁਲ ਜਿੰਦਲ, ਬਰਨਾਲਾ 4 ਫਰਵਰੀ 2021
ਨਗਰ ਕੌਂਸਲ ਚੋਣਾਂ ਲਈ ਜਿੱਥੇ ਵੱਖ ਵੱਖ ਪਾਰਟੀਆਂ ਦੇ ਲੀਡਰ ਆਪਣੀ ਪਾਰਟੀ ਦੇ ਉਮੀਦਵਾਰਾਂ ਦੇ ਚੋਣ ਦਫਤਰਾਂ ਦਾ ਉਦਘਾਟਨ ਕਰਨ ਲਈ ਪਹੁੰਚਦੇ ਹਨ, ਉੱਥੇ ਹੀ ਵਾਰਡ ਨੰਬਰ 20 ਦੇ ਅਜਾਦ ਉਮੀਦਵਾਰ ਰਸ਼ਪਿੰਦਰ ਸਿੰਘ ਬਬਲਾ ਨੇ ਇੱਕ ਨਵੀਂ ਪਿਰਤ ਪਾਉਂਦਿਆਂ ਆਪਣੇ ਦਫਤਰ ਦਾ ਉਦਘਾਟਨ ਆਪਣੇ ਵਾਰਡ ਦੇ ਗਰੀਬ ਬੱਚਿਆਂ ਤੋਂ ਕਰਵਾਇਆ ਹੈ।
ਇਸ ਮੌਕੇ ਨੰਨ੍ਹੀ ਪਰੀ ਨੇ ਆਪਣੇ ਕਰ ਕਮਲਾਂ ਨਾਲ ਰੀਬਨ ਕੱਟ ਕੇ ਦਫਤਰ ਦਾ ਉਦਘਾਟਨ ਕੀਤਾ । ਇਸ ਮੌਕੇ ਬਰਨਾਲਾ ਟੂਡੇ ਨਾਲ ਗੱਲਬਾਤ ਕਰਦਿਆਂ ਅਜਾਦ ਉਮੀਦਵਾਰ ਰਸ਼ਪਿੰਦਰ ਸਿੰਘ ਬਬਲਾ ਨੇ ਕਿਹਾ ਕਿ ਉਨਾਂ ਬੱਚਿਆਂ ਤੋਂ ਅਸ਼ੀਰਵਾਦ ਲੈ ਕੇ ਆਪਣੀ ਚੋਣ ਮੁਹਿੰਮ ਦੀ ਸ਼ੁਰੂਆਤ ਕੀਤੀ ਹੈ। ਬਬਲਾ ਨੇ ਕਿਹਾ ਕਿ ਮੈਂ ਚੋਣ ਜਿੱਤਣ ਤੋਂ ਬਾਅਦ ਜਿੱਥੇ ਆਪਣੇ ਵਾਰਡ ਦੇ ਲੋਕਾਂ ਦੇ ਹਰ ਦੁੱਖ ਸੁੱਖ ਦੇ ਸਮੇਂ ਹਾਜਿਰ ਰਹਾਂਗਾ, ਉੰਥੇ ਹੀ ਵਾਰਡ ਦਾ ਵਿਕਾਸ ਕਰਨ ਵਿੱਚ ਵੀ ਕੋਈ ਕੋਰ ਕਸਰ ਬਾਕੀ ਨਹੀਂ ਛੱਡਾਂਗਾ। ਇਸ ਮੌਕੇ ਬਬਲਾ ਨੇ ਇੱਕ ਮੈਨੀਫੈਸਟੋ ਵੀ ਮੀਡੀਆ ਨੂੰ ਦਿਖਾਇਆ,ਜਿਸ ਨੂੰ ਲੈ ਕੇ ਉਹ ਹਰ ਘਰ ਤੱਕ ਤੇ ਹਰ ਵੋਟਰ ਤੱਕ ਆਪਣੀ ਗੱਲ ਰੱਖੇਗਾ। ਇਸ ਮੌਕੇ ਵਾਰਡ ਦੇ ਵੱਡੀ ਸੰਖਿਆ ਵਿੱਚ ਵੋਟਰਾਂ ਤੋਂ ਇਲਾਵਾ ਮੋਹਤਬਰ ਸੱਜਣ ਵੀ ਮੌਜੂਦ ਰਹੇ।
