ਖ਼ੁਦਕੁਸ਼ੀਆਂ ਨਾ ਕਰੋ ਕਿਸਾਨੋ,
ਹੱਕ ਆਪਾਂ ਖੋਹ ਹੀ ਲੈਣੇ ਨੇ।
ਜੋ ਸਾਡੇ ਤੇ ਧੋਂਸ ਜਮਾਵੇ,
ਲੀਡਰ ਢੱਠੇ ਖੂਹ ਪੈਣੇ ਨੇ।
ਬਣੋ ਬਹਾਦਰ ਹਿੱਕਾਂ ਡਾਹ ਕੇ,
ਡੱਟੇ ਰਹੋ ਤੁਸੀਂ ਧਰਨੇ ਦੇ ਵਿੱਚ।
ਲੀਡਰ ਹੱਕੇ ਬੱਕੇ ਰਹਿ ਗਏ,
ਦੇਖਕੇ ਏਕਾ ਅੱਜ ਥੋਡੇ ਵਿੱਚ।
ਖੁਦਕੁਸ਼ੀ ਕਾਇਰ ਲੋਕਾਂ ਦਾ ਕੰਮ,
ਜੂਝਣ ਵਾਲੇ ਨਹੀਂ ਕਰ ਸਕਦੇ।
ਚੜ੍ਹਦੀ ਕਲਾ,ਬੁਲੰਦ ਹੌਸਲੇ,
ਜਿੱਤ ਕੇ ਜਾਣਾ ,ਹੁਣ ਨਹੀਂ ਦੱਬਦੇ।
ਹੱਕ ਸੱਚ ਦੇ ਰਾਹ ਤੇ ਯੋਧੇ,
ਕੌਣ ਤੁਹਾਨੂੰ ਤੋੜ ਸਕੇਗਾ।
ਢਿੱਡ ਭਰਦੇ ਹੋ ਦੇਸ਼ ਪੂਰੇ ਦਾ,
ਕਰਜ਼ ਕੌਣ ਥੋਡਾ ਮੋੜ ਸਕੇਗਾ
ਰਾਜਨਦੀਪ ਕੌਰ ਮਾਨ
6239326166
