ਵਾਰਦਾਤ ਵਾਲੀ ਥਾਂ ਤੋਂ ਇੱਕ ਕਿਲੋਮੀਟਰ ਦੂਰ ਖੜੀ ਮਿਲੀ ਲਾਵਾਰਿਸ ਕਾਰ……
ਹਰਿੰਦਰ ਨਿੱਕਾ, ਬਰਨਾਲਾ 24 ਜੂਨ 2024
ਜਿਲ੍ਹੇ ਦੇ ਢਿੱਲਵਾਂ-ਸੁਖਪੁਰਾ ਲਿੰਕ ਰੋਡ ‘ਤੇ ਕੁੱਝ ਅਣਪਛਾਤਿਆਂ ਨੇ ਤੇਜ਼ ਧਾਰ ਹਥਿਆਰਾਂ ਨਾਲ ਇਕ ਨੌਜਵਾਨ ਨੂੰ ਮੌਤ ਦੇ ਘਾਟ ਉਤਾਰ ਦਿੱਤਾ। ਘਟਨਾ ਦੀ ਸੂਚਨਾ ਮਿਲਦਿਆਂ ਹੀ ਆਸ ਪਾਸ ਦੇ ਲੋਕ ਇਕੱਠੇ ਹੋ ਗਏ ਅਤੇ ਪੁਲਿਸ ਨੇ ਵੀ ਮੌਕਾ ਵਾਰਦਾਤ ਪਰ ਪਹੁੰਚ ਕੇ, ਤਹਿਕੀਕਾਤ ਸ਼ੁਰੂ ਕਰ ਦਿੱਤੀ। ਮਰਨ ਵਾਲੇ ਨੌਜਵਾਨ ਦੀ ਪਹਿਚਾਣ ਕਰੀਬ 28 ਕੁ ਸਾਲ ਦੇ ਬੱਬੂ ਸਿੰਘ ਪੁੱਤਰ ਗੁਰਮੀਤ ਸਿੰਘ ਵਾਸੀ ਤਪਾ ਮੰਡੀ ਵਜੋਂ ਹੋਈ ਹੈ। 
ਪਤਾ ਇਹ ਵੀ ਲੱਗਿਆ ਹੈ ਕਿ ਬੱਬੂ ਸਿੰਘ ਪਿੰਡ ਢਿੱਲਵਾਂ ਵਿਖੇ ਇੱਕ ਮੋਬਾਇਲ ਸੌਪ ਤੇ ਕੰਮ ਕਰਦਾ ਸੀ। ਖੂਨ ਨਾਲ ਲੱਥਪੱਥ ਲਾਸ਼ ਨੂੰ ਕਬਜੇ ਵਿੱਚ ਲੈ ਕੇ, ਪੁਲਿਸ ਨੇ ਦੋਸ਼ੀਆਂ ਦੀ ਤਲਾਸ਼ ਸ਼ੁਰੂ ਕਰ ਦਿੱਤੀ ਹੈ। ਮੌਕਾ ਵਾਰਦਾਤ ਤੋਂ ਕਰੀਬ ਇੱਕ ਕਿਲੋਮੀਟਰ ਦੂਰੀ ਤੇ ਲੋਕਾਂ ਨੇ ਇੱਕ ਲਾਵਾਰਿਸ ਸਿਵਫਟ ਕਾਰ ਨੰਬਰ ਪੀ.ਬੀ. 13 Bl 0837 ਵੀ ਖੜ੍ਹੀ ਵੇਖੀ ਹੈ। ਵਹੀਕਲ ਇਨਫਰਮੇਸ਼ਨ ਸਾਈਟ ਅਨੁਸਾਰ ਇਹ ਕਾਰ ਭਰਪੂਰ ਸਿੰਘ ਪੁੱਤਰ ਰਣਜੀਤ ਸਿੰਘ ਵਾਸੀ ਢਿੱਲਵਾ ਪੱਤੀ ਦੇ ਨਾਮ ਪਰ ਰਜਿਸਟਰਡ ਹੈ। ਜਿਸ ਵਿੱਚ ਕੁੱਝ ਹਥਿਆਰ ਵੀ ਦੱਸੇ ਜਾ ਰਹੇ ਹਨ, ਕਤਲ ਦੀ ਘਟਨਾ ਦਾ ਇਸ ਕਾਰ ਨਾਲ ਕੋਈ ਤਾਲੁਕ ਵਾਸਤਾ ਹੈ,ਇਸ ਬਾਰੇ ਹਾਲੇ ਕੁੱਝ ਵੀ ਸਾਹਮਣੇ ਨਹੀਂ ਆ ਰਿਹਾ। ਹੱਤਿਆ ਦੀ ਵਜ੍ਹਾ ਅਤੇ ਹੱਤਿਆਰਿਆਂ ਬਾਰੇ ਹਾਲੇ ਤੱਕ ਕੁੱਝ ਵੀ ਸਾਹਮਣੇ ਨਹੀਂ ਆਇਆ। ਡੀ.ਐਸ.ਪੀ. ਤਪਾ, ਮਾਨਵਜੀਤ ਸਿੰਘ ਸਿੱਧੂ ਦੀ ਅਗਵਾਈ ਵਿਚ ਪੁਲਿਸ ਨੇ ਹੱਤਿਆ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
