ਹਾਈਕੋਰਟ ਦੀ ਘੁਰਕੀ ਤੋਂ ਬਾਅਦ ਚੋਰਾਂ ਨੂੰ ਕਲੀਨ ਚਿੱਟ ਦੇਣ ਵਾਲੀ ਪੁਲਿਸ ਦਾ ਰੁਖ ਬਦਲਿਆ, ਕਰਤਾ ਪਰਚਾ
ਉਹ 1320 ਰੁਪੈ ਦੇ ਸਮਾਨ ਦੀ ਚੋਰੀ ਦਾ ਕੇਸ ਦਰਜ ਕਰਵਾਉਣ ਲਈ 925 ਦਿਨ ਲੜਿਆ ਕਾਨੂੰਨੀ ਲੜਾਈ !
ਜੇ ਪੁਲਿਸ ਮੌਕੇ ਤੇ ਕਰਦੀ ਕਾਰਵਾਈ ਤਾਂ ਚੋਰ ਸਲਾਖਾਂ ਪਿੱਛੇ ਹੁੰਦੇ ਤੇ ਚੋਰੀ ਦੇ ਮਾਲ ਦੀ ਹੁੰਦੀ ਬਰਾਮਦਗੀ-ਤੇਜਿੰਦਰ ਸਿੰਘ
ਹਰਿੰਦਰ ਨਿੱਕਾ , ਬਰਨਾਲਾ 12 ਜੁਲਾਈ 2023
ਜਿੱਤ ਲੜਦੇ ਲੋਕਾਂ ਦੀ , ਆਪਣੇ ਹੱਕਾਂ ਲਈ ਜੂਝਦੇ ਜੁਝਾਰੂ ਲੋਕਾਂ ਦੇ ਇਸ ਨਾਅਰੇ ਤੋਂ ਪ੍ਰੇਰਿਤ ਹੋ ਕੇ ਤੇਜਿੰਦਰ ਸਿੰਘ ਉਰਫ ਗਗਨ ਸਿਰਫ 1320 ਰੁਪਏ ਮੁੱਲ ਦੇ ਸਮਾਨ ਦੀ ਚੋਰੀ ਦਾ ਕੇਸ ਦਰਜ਼ ਕਰਵਾਉਣ ਲਈ 925 ਦਿਨ ਕਾਨੂੰਨੀ ਲੜਾਈ ਲੜਿਆ। ਆਖਿਰ ਪੰਜਾਬ ਐਂਡ ਹਰਿਆਣਾ ਹਾਈਕੋਰਟ ਦੀ ਘੁਰਕੀ ਤੋਂ ਬਾਅਦ ਚੋਰਾਂ ਨੂੰ ਕਲੀਨ ਚਿੱਟ ਦੇਣ ਵਾਲੀ ਮੁਕਾਮੀ ਪੁਲਿਸ ਨੇ 2 ਕਥਿਤ ਚੋਰਾਂ ਖਿਲਾਫ ਐਫ.ਆਈ.ਆਰ. ਦਰਜ਼ ਕਰਕੇ, ਚੋਰਾਂ ਨੂੰ ਮਾਫੀ ਦੇਣ ਵਾਲੇ (ASI) ਥਾਣੇਦਾਰ ਦੀ ਵਿਭਾਗੀ ਕਾਰਵਾਈ ਅਮਲ ਵਿੱਚ ਲਿਆਉਣ ਦਾ ਹੁਕਮ ਦੇ ਦਿੱਤਾ। ਜਦੋਂਕਿ ਹੰਡਿਆਇਆ ਪੁਲਿਸ ਚੌਂਕੀ ਦੇ ਤਤਕਾਲੀ ਇੰਚਾਰਜ ਸਬ-ਇੰਸਪੈਕਟਰ ਗੁਲਾਬ ਸਿੰਘ ਅਤੇ ਇੱਕ ਹੋਰ ਏ.ਐਸ.ਆਈ. ਗੁਰਮੇਲ ਸਿੰਘ ਦੇ ਸਿਰ ਤੇ ਹਾਲੇ ਕਾਨੂੰਨੀ/ਵਿਭਾਗੀ ਕਾਰਵਾਈ ਦੀ ਤਲਵਾਰ ਲਟਕੀ ਹੋਈ ਹੈ।
ਮਾਮੂਲੀ ਚੋਰੀ ਦੀ ਘਟਨਾ ਦਾ ਕੇਸ ਦਰਜ਼ ਕਰਵਾਉਣ ਲਈ ਢਾਈ ਵਰ੍ਹਿਆਂ ਤੋਂ ਜਿਆਦਾ ਸਮਾਂ ਜੱਦੋਜਹਿਦ ਕਰਨ ਵਾਲੇ ਤੇਜਿੰਦਰ ਸਿੰਘ ਗਗਨ ਦੇ ਚਿਹਰੇ ਤੇ ਸਚਾਈ ਦੀ ਜਿੱਤ ਹੋਣ ਦਾ ਸਰੂਰ ਸਾਫ ਝਲਕਦਾ ਹੈ। ਤੇਜਿੰਦਰ ਗਗਨ, ਆਪਣੇ ਦਸਤਾਵੇਜਾਂ ਦਾ ਪੁਲੰਦਾ ਹੱਥ ਵਿੱਚ ਫੜ੍ਹੀ, ਬਰਨਾਲਾ ਟੂਡੇ ਦੇ ਦਫਤਰ ਵਿੱਚ ਪਹੁੰਚਿਆ। ਤੇਜਿੰਦਰ ਸਿੰਘ ਗੱਲ ਕਰਦਾ ਭਾਵੁਕ ਹੋ ਗਿਆ, ਕਹਿੰਦਾ ਜੇ ਮੁਕਾਮੀ ਪੁਲਿਸ ਦੇ ਅਧਿਕਾਰੀ ਸਮੇਂ ਸਿਰ ਕਾਰਵਾਈ ਕਰ ਦਿੰਦੇ ਤਾਂ ਮੇਰੇ ਕੀਮਤੀ ਸਮੇਂ ਦੀ ਬਰਬਾਦੀ ਬਚ ਹੀ ਜਾਂਦੀ ਅਤੇ ਦੋਸ਼ੀਆਂ ਤੋਂ ਪੁੱਛਗਿੱਛ ਕਰਕੇ, ਪਹਿਲਾਂ ਚੋਰੀ ਹੋਏ ਕਰੀਬ ਇੱਕ ਲੱਖ ਰੁਪੈ ਦੇ ਸਮਾਨ ਦੀ ਬਰਾਮਦਗੀ ਵੀ ਹੋ ਜਾਣੀ ਸੀ, ਚਲੋ ਉਦੋਂ ਜੋ ਪੁਲਿਸ ਨੂੰ ਮੰਜੂਰ ਸੀ, ਉਹ ਨੇ ਉਹੀ ਕੀਤਾ। ਹੁਣ ਹਾਈਕੋਰਟ ਦਾ ਧੰਨਵਾਦ, ਜੀਹਨੇ ਮੈਨੂੰ ਇਨਸਾਫ ਅਤੇ ਦੋਸ਼ੀਆਂ ਨੂੰ ਸਜਾ ਦਿਵਾਉਣ ਵੱਲ ਕਦਮ ਵਧਾਇਆ ਹੈ।
ਫਲੈਸ਼ਬੈਕ- ਕਦੋਂ ਕੀ ਹੋਇਆ,
ਤੇਜਿੰਦਰ ਸਿੰਘ ਗਗਨ ਪੁੱਤਰ ਅਮਰਜੀਤ ਸਿੰਘ ਵਾਸੀ ਹੰਡਿਆਇਆ ਅਨੁਸਾਰ ਦਸੰਬਰ 2020 ਤੋਂ ਪਹਿਲਾਂ ਕਰੀਬ ਡੇਢ ਸਾਲ ਦੇ ਅੰਦਰ ਅੰਦਰ ਉਸ ਦੀ ਵਰਕਸ਼ਾਪ ਵਿੱਚੋਂ ਕਰੀਬ ਇੱਕ ਲੱਖ ਰੁਪੈ ਦਾ ਸਮਾਨ ਦੀ ਚੋਰੀ ਹੋਇਆ। ਕਾਫੀ ਚੌਕਸੀ ਤੋਂ ਬਾਅਦ 27/12/2020 ਨੂੰ ਬਲਕਾਰ ਸਿੰਘ ਵਾਸੀ ਅਤਰ ਸਿੰਘ ਵਾਲਾ ਦੇ ਕਹਿਣ ਤੇ ਵਰਕਸ਼ਾਪ ਵਿੱਚੋਂ ਸਮਾਨ ਚੋਰੀ ਕਰਕੇ, ਲਿਜਾ ਰਹੇ ਕੁਲਵੀਰ ਸਿੰਘ ਉਰਫ ਰਾਜੂ ਵਾਸੀ ਧਨੌਲਾ ਖੁਰਦ ਨੂੰ ਚੋਰੀ ਕੀਤੀਆਂ 6 ਟੂਲ ਬਿੱਟਾਂ (ਔਜਾਰਾਂ) ਸਣੇ ਕਾਬੂ ਕਰ ਲਿਆ। ‘ਤੇ ਇਸ ਦੀ ਸੂਚਨਾ ਪੁਲਿਸ ਨੂੰ ਦੇ ਦਿੱਤੀ। ਪੁਲਿਸ ਚੌਂਕੀ ਹੰਡਿਆਇਆ ਦਾ ਤਤਕਾਲੀ ਇੰਚਾਰਜ ਗੁਲਾਬ ਸਿੰਘ ਦੋ ਹੋਰ ਪੁਲਿਸ ਮੁਲਾਜਮਾਂ ਸਣੇ ਮੌਕਾ ਪਰ ਵਰਕਸ਼ਾਪ ਵਿੱਚ ਪਹੁੰਚਿਆ ਅਤੇ ਉਸ ਨੂੰ ਹਿਰਾਸਤ ਵਿੱਚ ਲੈ ਕੇ, ਪੁਲਿਸ ਚੋਂਕੀ ਲੈ ਗਿਆ। ਉਨਾਂ ਇਸ ਦੀ ਜਾਂਚ ਏ.ਐਸ.ਆਈ. ਗੁਰਮੇਲ ਸਿੰਘ ਨੂੰ ਦੇ ਦਿੱਤੀ ਸੀ। ਚੋਰੀ ਕੀਤੀਆਂ ਬਿੱਟਾਂ ( ਟੂਲ ) ਦੀ ਬਜ਼ਾਰੀ ਕੀਮਤ 1320 ਰੁਪੈ ਬਣਦੀ ਸੀ।
-ਤੇਜਿੰਦਰ ਸਿੰਘ ਨੇ ਦੱਸਿਆ ਕਿ ਐਸ.ਆਈ. ਗੁਲਾਬ ਸਿੰਘ, ਏਐਸਆਈ ਗੁਰਮੇਲ ਸਿੰਘ ਅਤੇ ਏਐਸਆਈ ਸਤਗੁਰ ਸਿੰਘ , ਤਿੰਨੋਂ ਹੀ ਮੇਰੇ ਪਰ, ਚੋਰਾਂ ਨਾਲ ਸਮਝੌਤਾ ਕਰਨ ਲਈ ਦਬਾਅ ਪਾਉਂਦੇ ਰਹੇ। ਪੁਲਿਸ ਨੇ ਚੋਰੀ ਕਰਨ ਵਾਲੇ ਕੁਲਵਿੰਦਰ ਸਿੰਘ ਰਾਜੂ ਅਤੇ ਕਰਵਾਉਣ ਵਾਲੇ ਬਲਕਾਰ ਸਿੰਘ ਨੂੰ ਹਵਾਲਾਤ ਵਿੱਚ ਬੰਦ ਕਰ ਦਿੱਤਾ। ਪੁਲਿਸ ਅਧਿਕਾਰੀਆਂ ਨੇ ਚੋਰੀ ਸਮੇਂ ਮੌਕਾ ਦੇ ਗਵਾਹ ਤੇ ਮੇਰੇ ਵਰਕਸ਼ਾਪ ਵਿਖੇ ਮੁਲਾਜਮ ਪਰਮਿੰਦਰ ਸਿੰਘ ਕਾਲਾ ਨੂੰ ਵੀ ਗੈਰਕਾਨੂੰਨੀ ਹਿਰਾਸਤ ਵਿੱਚ ਹਵਾਲਾਤ ਵਿੱਚ ਤਾੜਿਆ ਅਤੇ ਉਸ ਨੂੰ ਛੱਡਣ ਬਦਲੇ 4 ਹਜ਼ਾਰ ਰੁਪਏ ਰਿਸ਼ਵਤ ਦੀ ਮੰਗ ਕੀਤੀ। ਆਖਿਰ ਉਨਾਂ ਮੇਰੀ ਸਹਿਮਤੀ ਤੋਂ ਬਿਨਾਂ ਹੀ, ਇੱਕ ਸਮਝੌਤਾ ਲਿਖ ਕੇ ਦੋਵਾਂ ਦੋਸ਼ੀਆਂ ਨੂੰ ਛੱਡ ਦਿੱਤਾ। ‘ਤੇ ਮੈਨੂੰ ਕੇਸ ਦਰਜ ਕਰਨ ਤੋਂ ਸਾਫ ਇਨਕਾਰ ਕਰ ਦਿੱਤਾ।
–-ਤੇਜਿੰਦਰ ਸਿੰਘ ਨੇ ਦੱਸਿਆ ਕਿ ਚੋਰੀ ਦਾ ਕੇਸ ਦਰਜ਼ ਕਰਵਾਉਣ ਲਈ ਐਸ.ਐਚ.ੳ., ਡੀਐਸਪੀ ਤੇ ਮੌਕੇ ਦੇ ਐਸਐਸਪੀ ਨੂੰ ਵੀ ਕੇਸ ਦਰਜ਼ ਕਨ ਲਈ ਸ਼ਕਾਇਤਾਂ ਦੇ ਕੇ, ਫਰਿਆਦ ਕੀਤੀ। ਪਰੰਤੂ ਕਿਸੇ ਨੇ ਮੇਰੀ ਇੱਕ ਨਹੀਂ ਸੁਣੀ। ਸਾਰਿਆਂ ਨੇ ਆਪਣੀਆਂ ਰਿਪੋਰਟਾਂ ਵਿੱਚ ਦੋਸ਼ੀਆਂ ਨੂੰ ਕਲੀਨ ਚਿੱਟ ਦੇ ਕੇ ਦੁਰਖਾਸਤਾਂ ਦਫਤਰ ਦਾਖਿਲ ਕਰ ਦਿੱਤੀਆਂ।
ਜਿਸ ਤੋਂ ਖਫਾ ਹੋ ਕੇ ਮੈਂ ਪੰਜਾਬ ਐਂਡ ਹਰਿਆਣਾ ਹਾਈਕੋਰਟ ਵਿੱਚ ਰਿੱਟ ਦਾਇਰ ਕੀਤੀ। ਜਿੱਥੇ ਸ਼੍ਰੀ ਚਾਹਿਤ ਬਾਂਸਲ ਐਡਵੋਕੇਟ ਸਾਹਿਬ ਦੀਆਂ ਦਲੀਲਾਂ ਨਾਲ ਸਹਿਮਤ ਹੋ ਕੇ ਮਾਨਯੋਗ ਹਾਈਕੋਰਟ ਨੇ ਤੇਜਿੰਦਰ ਸਿੰਘ ਵੱਲੋਂ ਦਾਇਰ ਕ੍ਰਿਮੀਨਲ ਰਿੱਟ ਦੀ ਸੁਣਵਾਈ ਕਰਦਿਆਂ ਪੰਜਾਬ ਪੁਲਿਸ ਨੂੰ ਨੋਟਿਸ ਜਾਰੀ ਕੀਤਾ ਕਿ ਅੱਠ ਹਫਤਿਆਂ ਦੇ ਅੰਦਰ ਅੰਦਰ ਪੁਲਿਸ ਦੁਆਰਾ ਕੀਤੀ ਕਾਰਵਾਈ ਸਬੰਧੀ ਸਪੀਕਿੰਗ ਆਰਡਰ ਜਾਰੀ ਕੀਤਾ ਜਾਵੇ। ਆਈਜੀ ਰੇਂਜ ਪਟਿਆਲਾ ਨੇ ਹਾਈਕੋਰਟ ਦੇ ਹੁਕਮਾਂ ਦੀ ਤਾਮੀਲ ਕਰਨ ਲਈ, ਐਸ ਪੀ ਸਿਟੀ ਪਟਿਆਲਾ ਨੂੰ ਤਾਕੀਦ ਕੀਤੀ। ਸਰਫਰਾਜ ਆਲਮ, ਆਈ.ਪੀ.ਐਸ. ਐਸ.ਪੀ. (ਸਿਟੀ), ਪਟਿਆਲਾ ਨੇ ਆਪਣੀ ਰਿਪੋਰਟ ਵਿੱਚ ਲਿਖਿਆ:-
