ਸੌਫਿਆਂ ਤੋਂ ਉਠਾਏ ਜਾਣ ਤੇ ਗੁੱਸੇ ਹੋ ਕੇ ਸਮਾਗਮ ਚੋਂ ਬਾਹਰ ਨਿਕਲੀਆਂ ਮਹਿਲਾ ਆਗੂ
ਜੇ.ਐਸ. ਚਹਿਲ ,ਬਰਨਾਲਾ 20 ਮਈ 2022
ਪੰਜਾਬ ਕਾਂਗਰਸ ਦੇ ਨਵ-ਨਿਯੁਕਤ ਸੂਬਾ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਦੀ ਬਰਨਾਲਾ ਵਿਖੇ ਪਹਿਲੀ ਆਮਦ ਤੇ ਰੱਖੇ ਸਮਾਗਮ ਦੌਰਾਨ ਰਾਜਾ ਵੜਿੰਗ ਦੇ ਆਉਣ ਤੋਂ ਪਹਿਲਾਂ ਹੀ ਰੌਲਾ ਪੈ ਗਿਆ। 
ਹੋਇਆ ਇਹ ਕਿ ਪ੍ਰਧਾਨਗੀ ਮੰਡਲ ਵਿੱਚ ਖਾਸ ਮਹਿਮਾਨਾਂ ਲਈ ਲਾਏ ਸੌਫਿਆਂ ਤੇ ਮਹਿਲਾ ਵਿੰਗ ਦੀਆਂ ਬੀਬੀਆਂ ਸੌਫਿਆਂ ਤੇ ਬੈਠ ਗਈਆਂ ਅਤੇ ਇੱਕ ਸਾਈਡ ਵਾਲੇ ਸੌਫੇ ਤੇ ਬਿਰਾਜਮਾਨ ਬੀਬੀਆਂ ਨੂੰ ਉਠਾਉਣ ਲਈ ਸਮਾਗਮ ਦੇ ਪ੍ਰਬੰਧਕਾਂ ਅੰਦਰ ਕਾਫੀ ਸਮਾਂ ਚੱਲੀ 
ਘੁਸਰ-ਮੁਸਰ ਤੋਂ ਬਾਅਦ ਪ੍ਰਬੰਧਕਾਂ ਵਲੋਂ ਬੀਬੀਆਂ ਨੂੰ ਸੌਫੇ ਖਾਲੀ ਕਰਕੇ ਸਾਹਮਣੇ ਪੰਡਾਲ ਚ ਲੱਗੀਆਂ ਕੁਰਸੀਆਂ ਤੇ ਬੈਠਣ ਲਈ ਕਿਹਾ ਤਾਂ ਆਪਣੀ ਤੌਹੀਨ ਮਹਿਸੂਸ ਕਰਦਿਆਂ ਮਹਿਲਾ ਵਿੰਗ ਦੀ ਸੂਬਾਈ ਆਗੂ ਰਜਿੰਦਰ ਕੌਰ ਘਾਰੂ ਦੀ ਅਗਵਾਈ ਵਿੱਚ ਬੀਬੀਆਂ ਸਮਾਗਮ ਦਾ ਬਾਈਕਾਟ ਕਰਕੇ ਬਾਹਰ ਚਲੀਆਂ ਗਈਆਂ।
ਪਤਾ ਲੱਗਣ ਤੇ ਸੀਨੀਅਰ ਕਾਂਗਰਸੀ ਆਗੂ ਕੁਲਦੀਪ ਸਿੰਘ ਕਾਲਾ ਢਿੱਲੋਂ ਅਤੇ ਯੂਥ ਆਗੂ ਗੁਰਕੀਮਤ ਸਿੰਘ ਸਿੱਧੂ ਵਲੋਂ ਜਾ ਕੇ ਬੀਬੀਆਂ ਨੂੰ ਵਾਪਿਸ ਲਿਆਂਦਾ ਗਿਆ। ਬੀਬੀਆਂ ਦੇ ਇਸੇ ਗੁੱਸੇ ਨੂੰ ਜ਼ਾਹਿਰ ਕਰਦਿਆਂ ਬਰਨਾਲਾ ਮਹਿਲਾ ਕਾਂਗਰਸ ਦੀ ਪ੍ਰਧਾਨ ਸੁਖਜੀਤ ਕੌਰ ਸੁੱਖੀ ਵਲੋਂ ਸਟੇਜ ਤੋਂ ਪ੍ਰਬੰਧਕਾਂ ਨੂੰ ਕਾਫੀ ਖਰੀਆਂ-ਖਰੀਆਂ ਸੁਣਾਈਆਂ। ਵਾਕ ਆਊਟ ਕਰਨ ਵਾਲੀਆਂ ਆਗੂਆਂ ਵਿੱਚ ਰਾਜਵਿੰਦਰ ਕੌਰ, ਸੁਖਵਿੰਦਰ ਕੌਰ ਟੱਲੇਵਾਲ ,ਬਿੰਦੂ ,ਰਾਣੀ ਕੌਰ ਠੀਕਰੀਵਾਲ,ਪਰਮਜੀਤ ਕੌਰ ਟੱਲੇਵਾਲ, ਮੰਜੂ ਪ੍ਰਧਾਨ, ਸੁਖਬੀਰ ਕੌਰ ਆਦਿ ਸ਼ਮਿਲ ਸਨ।
