ਮੈਡੀਕਲ ਪ੍ਰੈਕਟੀਸ਼ਨਰਜ਼ ਐਸੋਸੀਏਸ਼ਨ ਵੱਲੋਂ ਮਾਤਾ ਜੰਗੀਰ ਕੌਰ ਹਮੀਦੀ ਨੂੰ ਸਮਾਜ ਸੇਵੀ ਕੰਮ ਬਦਲੇ ਕੀਤਾ ਵਿਸ਼ੇਸ਼ ਸਨਮਾਨ
ਗੁਰਸੇਵਕ ਸਿੰਘ ਸਹੋਤਾ, ਮਹਿਲ ਕਲਾਂ, 22 ਜੁਲਾਈ 2021
ਆਪਣੇ ਪਤੀ ਸਵ ਗੁਰਬਚਨ ਸਿੰਘ ਸਾਬਕਾ ਮੈਂਬਰ ਪੰਚਾਇਤ ਦੀ ਯਾਦ ਵਿੱਚ ਸ੍ਰੀ ਗੁਰੂ ਰਵਿਦਾਸ ਧਰਮਸ਼ਾਲਾ ਵਿੱਚ ਇੱਕ ਬਹੁਤ ਵੱਡੇ ਖੁੱਲੇ ਹਾਲ ਉਸਾਰੀ ਕਰਵਾਉਣ ਦੇ ਕੀਤੇ ਸਲਾਘਾਯੋਗ ਉਪਰਾਲੇ ਨੂੰ ਲੈ ਕੇ ਪਤਵੰਤੇ ਸੱਜਣਾਂ ਵੱਲੋਂ ਮਾਤਾ ਜੰਗੀਰ ਕੌਰ ਹਮੀਦੀ ਦਾ ਸਨਮਾਨ ਕੀਤਾ ਗਿਆ। ਇਸ ਮੌਕੇ ਸ੍ਰ ਗ੍ਰੰਥ ਸਾਹਿਬ ਜੀ ਦੀ ਛਤਰ ਛਾਇਆ ਹੇੇਠ ਸੁਖਮਨੀ ਸਾਹਿਬ ਜੀ ਦੇ ਪਾਠ ਦੇ ਭੋਗ ਪਾਏ ਗਏ। ਮਾਤਾ ਜਗੀਰ ਕੌਰ ਨੂੰ ਸਨਮਾਨਤ ਕਰਨ ਸਮੇਂ ਮੈਡੀਕਲ ਪ੍ਰੈਕਟੀਸ਼ਨਰ ਐਸੋਸੀਏਸ਼ਨ ਦੇ ਆਗੂਆਂ ਡਾ ਅਮਰਜੀਤ ਸਿੰਘ ਮੈਂਬਰ ਜ਼ਿਲ੍ਹਾ ਪ੍ਰੀਸ਼ਦ ਮਹਿਲ ਕਲਾਂ ਦੀ ਅਗਵਾਈ ਵਿੱਚ ਸਨਮਾਨਿਤ ਕੀਤਾ ਗਿਆ।
ਇਸ ਮੌਕੇ ਸਮਾਗਮ ਨੂੰ ਸੰਬੋਧਨ ਕਰਦਿਆਂ ਉੱਘੇ ਸਮਾਜਸੇਵੀ ਤੇ ਪੰਚ ਜਸਵਿੰਦਰ ਸਿੰਘ ਮਾਂਗਟ ਨੇ ਕਿਹਾ ਕਿ ਮਾਤਾ ਜਗੀਰ ਕੌਰ ਜੀ ਦੇ ਪਰਿਵਾਰ ਵਰਗੇ ਦਾਨੀ ਸੱਜਣਾਂ ਕਰਕੇ ਹੀ ਹਰ ਵਰਗ ਅਤੇ ਹਰ ਧਰਮਾਂ ਦੇ ਲੋਕਾਂ ਨੂੰ ਸਹੂਲਤਾਂ ਮੁਹੱਈਆ ਹੋ ਰਹੀ ਹੈ ।ਇਸ ਲਈ ਉਹ ਸਮੁੱਚੇ ਮੈਡੀਕਲ ਪ੍ਰੈਕਟੀਸਨਰਜ਼ ਐਸੋਸੀਏਸ਼ਨ ਦੇ ਆਗੂਆਂ ਦੇ ਬਹੁਤ ਧੰਨਵਾਦੀ ਹਨ ਜਿਨ੍ਹਾਂ ਨੇ ਮਾਤਾ ਦਾ ਵਿਸ਼ੇਸ਼ ਸਨਮਾਨ ਕੀਤਾ।ਇਸ ਮੌਕੇ ਡਾ ਬਚਿੱਤਰ ਸਿੰਘ ਰਾਜਗੜ੍ਹ ,ਡਾ ਜੰਗ ਬਹਾਦਰ ਸਿੰਘ ,ਡਾ ਅਮਰਜੀਤ ਸਿੰਘ ਮੈਂਬਰ ਪੰਚਾਇਤ,ਡਾ ਰਣਵੀਰ ਸਿੰਘ ,ਡਾ ਹਰਬੰਸ ਸਿੰਘ, ਪੰਚ ਮਾ ਅਮਰ ਸਿੰਘ , ਸਾਬਕਾ ਸਰਪੰਚ ਨਾਥ ਸਿੰਘ ਏ ਐਸ਼ ਆਈ ਗੁਰਜੀਤ ਸਿੰਘ ਹਾਜ਼ਰ ਸਨ।
