6 ਅਪ੍ਰੈਲ ਦੀ ਰਾਤ ਨੂੰ ਟਿੱਕਰੀ ਮੋਰਚੇ ਵਿਚ ਉਨ੍ਹਾਂ ਦੀ ਸਿਹਤ ਵਿਗੜੀ ਸੀ
ਹਰਿੰਦਰ ਨਿੱਕਾ, ਬਰਨਾਲਾ, 11 ਮਈ 2021
ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਡਕੌਂਦਾ ,ਬਲਾਕ ਸਹਿਣਾ ਦੇ ਸੀਨੀਅਰ ਮੀਤ ਪ੍ਰਧਾਨ ਬੂਟਾ ਸਿੰਘ ਢਿੱਲਵਾਂ ਸਦੀਵੀ ਵਿਛੋੜਾ ਦੇ ਗਏ ਹਨ, ਸੰਯੁਕਤ ਕਿਸਾਨ ਮੋਰਚੇ ਵੱਲੋਂ ਟਿੱਕਰੀ ਬਾਰਡਰ ਦਿੱਲੀ ਵਿਖੇ ਆਪਣੇ ਸਾਥੀਆਂ ਨਾਲ ਡਟੇ ਹੋਏ ਸਨ, ਅਚਾਨਕ 16 ਅਪ੍ਰੈਲ ਦੀ ਰਾਤ ਨੂੰ ਟਿੱਕਰੀ ਮੋਰਚੇ ਵਿਚ ਉਨ੍ਹਾਂ ਦੀ ਸਿਹਤ ਵਿਗੜ ਗਈ ਤੇ ਉਥੇ ਹਾਜਰ ਆਗੂ ਸਾਥੀਆਂ ਨੇ ਉਨ੍ਹਾਂ ਨੂੰ ਡਾਕਟਰ ਦੀ ਸਲਾਹ ਨਾਲ ਦਵਾਈ ਦਿੱਤੀ ਗਈ ,ਪਰੰਤੂ ਉਨ੍ਹਾਂ ਦੀ ਸਿਹਤ ਵਿੱਚ ਕੋਈ ਸਧਾਰ ਨਾ ਹੁੰਦਾ ਦੇਖ ਕੇ ਫੈਸਲਾ ਕੀਤਾ ਗਿਆ ।
ਸਾਥੀ ਬੂਟਾ ਸਿੰਘ ਨੂੰ ਸਵੇਰੇ ਜਲਦੀ ਹੀ ਗੱਡੀ ਵਿੱਚ ਪੰਜਾਬ ਲਿਆਂਦਾ ਗਿਆ, ਤੁਰੰਤ ਪਰਿਵਾਰ ਨੂੰ ਨਾਲ ਲੈਕੇ ਉਸੇ ਹੀ ਦਿਨ ਬਠਿੰਡਾ ਦੇ ਨਿੱਜੀ ਹਸਪਤਾਲ ਵਿੱਚ ਭਾਰਤੀ ਕਰਾਇਆ ਗਿਆ, ਜਿੱਥੇ ਕਿ ਉਨ੍ਹਾਂ ਨੇ 10 ਮਈ ਨੂੰ ਰਾਤ ਕਰੀਬ ਸੱਤ ਕੁ ਵਜੇ ਜਥੇਬੰਦੀ ਤੇ ਪਰਿਵਾਰ ਨੂੰ ਵਿਛੋੜਾ ਦੇ ਗਏ । ਜਥੇਬੰਦੀ ਤੇ ਪਰਿਵਾਰ ਨੂੰ ਨਾ ਪੂਰਾ ਹੋਣ ਵਾਲਾ ਘਾਟਾ ਪਿਆ। ਸਾਥੀ ਬੂਟਾ ਸਿੰਘ ਦਾ ਸੰਸਕਾਰ ਅੱਜ 11 ਵਜੇ (11 ਮਈ ਦਿਨ ਮੰਗਲਵਾਰ)ਉਨ੍ਹਾਂ ਦੇ ਪਿੰਡ ਢਿੱਲਵਾਂ ਜਿਲ੍ਹਾ ਬਰਨਾਲਾ ਵਿਖੇ ਹੋਵੇਗਾ । ਸਾਰੇ ਸਾਥੀਆਂ ਨੂੰ ਬੇਨਤੀ ਕਰਦੇ ਹਾਂ ਕਿ ਸਾਥੀ ਨੂੰ ਆਖਰੀ ਸਲਾਮ ਕਰਨ ਸਮੇਂ ਸਿਰ ਪਹੁੰਚਣ ਦੀ ਕਿਰਪਾਲਤਾ ਕਰੋ ।
