ਰਿੰਕੂ ਝਨੇੜੀ ਸੰਗਰੂਰ, 7 ਦਸੰਬਰ:2020
ਪੰਜਾਬ ਸਰਕਾਰ ਦੇ ਘਰ-2 ਰੋਜ਼ਗਾਰ ਮਿਸ਼ਨ ਤਹਿਤ ਪੀ.ਜੀ.ਆਰ.ਕਾਮ ਵੱਲੋਂ ਸਤੰਬਰ 2020 ਵਿੱਚ ਮੈਗਾ ਰੋਜ਼ਗਾਰ ਮੇਲਾ ਕਰਵਾਇਆ ਗਿਆ ਜਿਸ ਵਿੱਚ ਵੱਖ-2 ਜ਼ਿਲਿਆ ਦੇ ਪ੍ਰਾਰਥੀਆਂ ਨੇ ਭਾਗ ਲਿਆ। ਇਹ ਜਾਣਕਾਰੀ ਜ਼ਿਲਾ ਰੋਜ਼ਗਾਰ ਅਫ਼ਸਰ ਸ੍ਰੀ ਰਵਿੰਦਰਪਾਲ ਸਿੰਘ ਨੇ ਦਿੱਤੀ। ਉਨਾਂ ਦੱਸਿਆ ਕਿ ਸੰਗਰੂਰ ਜ਼ਿਲੇ ਵਿੱਚੋਂ ਕੁਝ ਪ੍ਰਾਰਥੀਆਂ ਦੇ ਨਾਮ ਇੰਟਰਵਿਊ ਲਈ ਭੇਜੇ ਗਏ ਸਨ। ਇਨਾਂ ਪ੍ਰਾਰਥੀਆਂ ਦੀ ਮਾਈਕਰੋਸੋਫਟ ਵੱਲੋਂ ਆਨਲਾਇਨ ਲਿਖਤੀ ਟੈਸਟ ਲੈਣ ਉਪਰੰਤ ਇੰਟਰਵਿਊ ਲਈ ਗਈ ਸੀ। ਜਿਸ ਵਿੱਚ ਸਲਾਅਇਟ ਲੌਗੋਵਾਲ ਦਾ ਪ੍ਰਾਰਥੀ ਸੁਮਿਤ ਕੁਮਾਰ ਮਾਈਕਰੋਸੋਫਟ ਕੰਪਨੀ ਵਿੱਚ ਸਹਾਇਕ ਅਸਿਸਟੈਂਟ ਦੀ ਨੌਕਰੀ ਤੇ ਸਿਲੈਕਟ ਹੋ ਗਿਆ ਹੈ।
ਉਨਾਂ ਦੱਸਿਆ ਕਿ ਨਿਯੁਕਤ ਹੋਏ ਪ੍ਰਾਰਥੀ ਦੀ ਤਨਖਾਹ 8.50 ਲੱਖ ਸਲਾਨਾਹੈ। ਸਾਰੇ ਨੌਕਰੀ ਲੈਣ ਦੇ ਚਾਹਵਾਨ ਪ੍ਰਾਰਥੀਆਂ ਨੂੰ ਕਿਹਾ ਜਾਂਦਾ ਹੈ ਕਿ ਉਹ www.pgrkam.com ਪੋਰਟਲ ਤੇ ਆਪਣਾ ਨਾਮ ਰਜਿਸਟਰਡ ਕਰਨ ਜੇਕਰ ਰਜਿਸਟਰਡ ਹੈ ਤਾਂ ਆਪਣੀ ਪ੍ਰੋਫਾਇਲ ਅਪਡੇਟ ਕਰਨਾ ਲਾਜ਼ਮੀ ਹੈ। ਤਾਂ ਜੋ ਕਿ ਨਿਯੋਜਕਾਂ ਪਾਸ ਪ੍ਰਾਰਥੀਆਂ ਦੀ ਢੁਕਵੀਂ ਜਾਣਕਾਰੀ ਭੇਜੀ ਜਾ ਸਕੇ।
